صيني

- في زمن بعيد..

بعييييييييييييييد..

أيام ما كان طلب العلم بيمثل كل الشغف و السمو..

و لسة بردو لحد دلوقتي في ناس بتنبهر بالعلم...

و انا من عشاق العلم الصراحة😍

- كان في شاب صيني..👲

حابب جداً يتعلم اللغة الإيطالية..

وللاسف..

كان غير مقتدر مادياً للسفر..

و مكنش بردو في التطور الهائل للتكنولوجيا..

و الحق يتقال ان النت نعمة كبيرة.. 

فانت في مكانك تقدر تتعلم أي حاجة.. و كل حاجة..

وببلاش كمان يا سيدي..

بس إنوي انت بس و خود الخطوة😁

- نرجع للشاب الصيني..👲

المذهل في الشاب ده..

إنو كان عنده إصرار كبير ملوش حدود..

و جد جد يتقال عليه بجدارة.. 

واحد من أعظم الأبطال..

لأنو عشان يوصل لهدفه في التعليم..

قرر إنو يمشي سنتين متواصلين.. كان بيريح طبعاً في الطريق..

مر في خلالهم على العراق و الهند و إيران و اليونان..

لغاية ما وصل لإيطاليا..

و أدي أهو حقق هدفه.. 

و مخلاش تنتوفة فرصة لحجة الظروف.. إن في حاجة مستحيلة..

آه صعبة.. بس مش مستحيلة!

- ده غير إنو كان في شاب عظيم في زمنا الحالي..

بردو صيني..👲

سافر على دراجة هوائية للذهاب إلى مكة المكرمة..

لأداء فريضة الحج..

- الصينيين كويسييييين أهو و بيعملوا حاجات حلوة و أصيلة.. 😉

- جد أي شخص على كوكب الأرض لو بس حط حاجة في دماغه..

و ركز على هدفه.. 

ربنا هيوصله أياً كان..

بس المهم يتحرك و يسعى بقوة..

لأن العظماء دايماً أشداء بالعزيمة..💪